Si è concludude îr di sere, inte curnîs splendide dal stadi di Maian, la prime storiche edizion de Cope Friûl, il torneu di balon convocât e organizât de ASF Associazion Sportive Furlane in colaborazion cu la FIGC-F-VG.
Devant di un bon public e intune atmosfere di grande fieste, braùre e sportivitât, les dôs scuadris finalistis Colorêt di Mont Albane e Manià, si son dadis bataie fin al ultin minût par vinci il trofeu prestigjôs di identitât furlane. La croniche dal incuintri e à regalât cent e vincj minûts di intensitât pure dal balon: dopo un prin timp blocât in maniere tatiche, là che lis scuadris si son studiadis a muse vierte a centricjamp, la riprese e à impiât i entusiasims sui spalts. A rompi l’ecuilibri al è stât un colp di cjâf di Comelli su corner che al à puartât al gol dal vantaç. Imediade le pate dal Manià e l’ecuilibri al è durât fin al nonantesim.
Si è lâts ai suplementârs, dulà che altris doi gol dal bomber Comelli, a àn indreçât l’incuintri bande il culinâr pal 3 a 1 finâl.
Cheste prime edizion de Cope Friûl e à dimostrât cetant che il sport al puedi jessi un veicul straordenari di agregazion, identitât e valôrs pal nestri teritori, al à declarât cun entusiasim il diretîf de ASF. *”Viodi cussì tante passion e int a Maian îr di sere e je la prove tangjibile che la strade tacade par valorizâ lis nestris lidrîs traviers il balon e je chê juste. Lis dôs scuadris nus tignivin une vore a vinci e cheste e je dal sigûr la dimostrazion che la Cope e à rivât al so fin. Graciìn in maniere calorose la Maianese, il sponsor CrediFriuli, dutis lis societâts partecipantis, i atletis e i tifôs fantastics che a àn fat speciâl e memorabile cheste aventure.”
“La Cope e je nassude par valorizâ la pidade di paîs e soredut par dâ vôs aes scuadris di tierce categorie. Risultât otignût une vore, traviers lis diretis tv di Canâl 77 e radiofonichis di RADIO ONDE FURLANE, dutis in maniere rigorose par furlan!”
La serade si è concludude cu lis premiazions uficiâls sul cjamp, in presince dai rapresentants de ASF, celebrant no dome che la scuadre vincidore ma il spirt di fradilance che e unìs il sport furlan.
Di segnalâ che il Colorêt di M.A. in plui che a vê vinçût la prime storiche COPE FRIÛL, al varà l’onôr di organizâ in cjase ai prins di Setembar, la prime SUPERCOPE DAI POPUI tra Colorêt e AFC Girlan, scuadre vincidore de prime FORST CUP, torneu dal Sudtirol par scuadris di tierce e seconde.
L’apontament, dât il grant sucès e critiche par chest an di esordi, al è fissât za pe stagjon prossime.
Enesim travuart rivât pe ASSOCIAZION FURLANIS SPORTIVIS! Altre manifestazion pensade, ideade, organizade e puartade a tiermin.